Sa Aming Wika

Marami kaming nalilibot sa tuwing naglalakad kami sa araw ng pahinga. Kasama na rito ang mga tao na bumubuo sa aming payak na pamayanan. Hindi nagiging buo ang aming linggo kapag hindi namin sila nadadaanan o nakikita man lang.

May mga bagay na sana may nagsabi sa atin nang mas maaga o may naghanda – na mas masakit pala ang mabagal na proseso ng paghihilom keysa sa mismong sugat na naglikha ng sakit na ito. Ganun pa man, kahit anong yugto nito, likas pa rin sa atin ang ipagpatuloy ang pagsulong.